«Barselona» tarkibni kuchaytirish ustida ish olib bormoqda.

Don Balon tarqatgan xabarga ko‘ra, kataloniyaliklar klubi «Atletiko»dan Antuan Grizmanni uning shartnomasidagi tovon pulini to‘lagan holda transfer qilishga tayyor. Qayd etilishicha, ko‘k-anorranglilar jamoasi rahbariyati Lionel Messi klubning transfer siyosatidan norozi bo‘lib, shartnomani uzaytirishdan bosh tortayotgani uchun shunday ishga qo‘l urmoqchi.

Grizmann yozgi transferlar vaqtida «MYU»ga o‘tish arafasida edi, ammo u FIFA madridliklar klubiga qo‘llagan sanksiyalar tufayli Ispaniyada qolib, jamoasiga yordam berishga qaror qildi.

«Atletiko»ga 2018 yilgacha yangi futbolchilarni tarkibga jalb etish taqiqlangan. Qishda jamoa transferlar amalga oshirishi mumkin va yanvarda Grizmann boshqa klubga o‘tishi mumkin bo‘ladi.

Ispan nashrlari ma’lumotiga ko‘ra, fransiyalik bu hujumchining transfer narxi 100 mln yevroni tashkil etadi.