«Барселона» таркибни кучайтириш устида иш олиб бормоқда.
Don Balon тарқатган хабарга кўра, каталонияликлар клуби «Атлетико»дан Антуан Гризманни унинг шартномасидаги товон пулини тўлаган ҳолда трансфер қилишга тайёр. Қайд этилишича, кўк-анорранглилар жамоаси раҳбарияти Лионель Месси клубнинг трансфер сиёсатидан норози бўлиб, шартномани узайтиришдан бош тортаётгани учун шундай ишга қўл урмоқчи.
Гризманн ёзги трансферлар вақтида «МЮ»га ўтиш арафасида эди, аммо у ФИФА мадридликлар клубига қўллаган санкциялар туфайли Испанияда қолиб, жамоасига ёрдам беришга қарор қилди.
«Атлетико»га 2018 йилгача янги футболчиларни таркибга жалб этиш тақиқланган. Қишда жамоа трансферлар амалга ошириши мумкин ва январда Гризманн бошқа клубга ўтиши мумкин бўлади.
Испан нашрлари маълумотига кўра, франциялик бу ҳужумчининг трансфер нархи 100 млн еврони ташкил этади.