Oliy ligadan o‘rin olgan “Qizilqum” – “Bunyodkor” (3:3) o‘yinidan keyin “qaldirg‘ochlar” ustozi o‘z fikrlarini aytdi.

"Uchrashuvni yaxshi boshlagandik. Birinchi bo‘limda ko‘rsatgan faol o‘yinimiz natijasida tanaffusga 2:0 hisobidagi ustunlik bilan chiqib ketdik. Biroq, ikkinchi bo‘limdagi 15 daqiqani inobatga olmaganda xotirjamlikka berildik. Natijada raqib bizni jazoladi. Hisob 2:2 bo‘lib turgan pallada Gadoyev gol urib, jamoamizni yana oldinga olib chiqqandi. Biroq qolgan daqiqalarda ham yigitlarimizning ko‘zi ochilmadi. “Qizilqum”ni o‘z maydonida yaxshi o‘yin ko‘rsatishini bilardik. Afsuski, yutadigan o‘yinda durang qayd etdik. Yo‘q joydan ikki ochko yo‘qotdik", - dedi Mirjalol Qosimov.