Turinning “Yuventus” klubi yarimhimoyachisi Miralem Pyanich “Barselona”ga (0:3) qarshi o‘yindagi mag‘lubiyatdan so‘ng o‘z fikrlarini bildirib o‘tdi.
“Birinchi bo‘limda qo‘yib yuborilgan gol unchalik katta ahamiyatga ega bo‘lmadi, ammo ozgina sabr qilganimizda natija boshqacha bo‘lishi mumkin edi. To‘g‘ri, tan olish kerak ikkinchi bo‘limda “Yuventus” o‘ziga o‘xshamadi bu – haqiqat. Biroq tahlikaga tushmasligimiz kerak.
“Barselona” saboqidan o‘zimizga xulosa chiqarib, ishimizda davom etamiz. Turinda mag‘lubiyatni ikki barobar qilib qaytarishga umid qilamiz”, - deydi bosniyalik futbolchi Goal nashriga bergan intervyusida.
