Туриннинг “Ювентус” клуби яримҳимоячиси Миралем Пьянич “Барселона”га (0:3) қарши ўйиндаги мағлубиятдан сўнг ўз фикрларини билдириб ўтди.

“Биринчи бўлимда қўйиб юборилган гол унчалик катта аҳамиятга эга бўлмади, аммо озгина сабр қилганимизда натижа бошқача бўлиши мумкин эди. Тўғри, тан олиш керак иккинчи бўлимда “Ювентус” ўзига ўхшамади бу – ҳақиқат. Бироқ таҳликага тушмаслигимиз керак.

“Барселона” сабоқидан ўзимизга хулоса чиқариб, ишимизда давом этамиз. Туринда мағлубиятни икки баробар қилиб қайтаришга умид қиламиз”, - дейди босниялик футболчи Goal нашрига берган интервьюсида.