16 sentyabr kuni oliy liganing 21-turida "Paxtakor" "Sho‘rtan"ni qabul qiladi.
O‘yinni raqib jamoadan Ruslan Melziddinov diskvalifikasiya tufayli o‘tkazib yuboradi. "Paxtakor"da bunday yo‘qotish mavjud emas.
Oliy ligada jamoalar o‘zaro 23 bor to‘qnash kelishgan. "Paxtakor" 18 g‘alabaga erishgan, 2 durang qayd etgan va 3 marta mag‘lubiyatga uchragan. Raqib darvozasiga 60 gol urilib, 20 to‘p o‘tkazib yuborilgan. Toshkentdagi 11 bellashuvda 10 g‘alaba va 1 durang kuzatilgan. Birinchi davrada G‘uzorda "Sho‘rtan" 3:0 hisobida zafar quchgandi.
Hasan Ro‘ziyev "Paxtakor" va "Sho‘rtan" o‘rtasidagi bellashuvni boshqarib boradi. Yordamchi hakamlar vazifasini Sardor Hakimov va Sherzod Kamarov bajaradi. To‘rtinchi hakam sifatida Shavkat Nasibullayev ishlaydi.
"PAXTAKOR" - "SHO‘RTAN"
Hakamlar: Hasan Ro‘ziyev (Toshkent), Sardor Hakimov (Samarqand), Sherzod Kamarov (Samarqand), Shavkat Nasibullayev (Namangan).
Nazoratchi: Ibrohim Sharipov (Buxoro).
O‘zPFL vakili: Sherzod Rajabov.
Yoshlar jamoalari o‘yini 15 sentyabr, juma kuni 16:30da "Jar" stadioni kichik maydonida boshlanadi. Asosiy tarkiblar uchrashuvi 16 sentyabr, shanba kuni "Paxtakor" stadionida 19:00da start oladi.
