O‘zbekistonlik FIFA referisi Edita Mirobidova ayni kunlarda Tailandning Chonburi shahrida bo‘lib o‘tayotgan U-16 o‘smir qizlar o‘rtasidagi Osiyo chempionati final bosqichida hakamlik qilmoqda.
10 sentyabr kuni Tailandning Chonburi shahrida U-16 o‘smir qizlar o‘rtasida Osiyo chempionati final bosqichi bahslari start oldi. O‘zbekistonlik FIFA referisi jami 8ta terma jamoa ishtirok etayotgan musobaqaning “A” guruhi 1-turi doirasida Janubiy Koreya U-16 o‘smirlar terma jamoasining 3:0 hisobidagi g‘alabasi bilan tugagan Janubiy Koreya – Tailand terma jamoalari o‘rtasidagi uchrashuvda hakamlik qildi.
Ma’lumot uchun, ushbu Osiyo chempionatida jami 8ta terma jamoa ikki guruhga bo‘lingan holda ishtirok etmoqda. Guruhda dastlabki ikki o‘rinni qo‘lga kiritgan terma jamoalar turnirning yarim finaliga yo‘l oladi. Musobaqda dastlabki uchta o‘rinni qo‘lga kiritgan terma jamoalar esa, kelasi yili Urugvayda bo‘lib o‘tadigan U-17 o‘smirlar o‘rtasidagi Jahon chempionati final bosqichiga yo‘llanmani qo‘lga kiritadilar.
U-16 qizlar o‘rtasidagi OCH-2017.
Chonburi, Tailand.
“A” guruhi:
Tailand
Xitoy
Janubiy Koreya
Laos
“V” guruhi
KXDR
Yaponiya
Avstraliya
Bangladesh
