Turinning “Yuventus” klubi darvozaboni Janluiji Buffon katta ehtimol bilan 2017/18 mavsumda faoliyatini yakunlaydi. Bu haqda Tuttosport nashri xabar bermoqda.
Manbaning ma’lum qilishicha, 39 yoshli posbon keyingi faoliyatini “Yuventus”, Italiya futbol federasiyasi yoki FIFA kabi tashkilotlarning birida davom ettirishi mumkin.
Agar Buffon “Yuventus” strukturasida qoladigan bo‘lsa, unda maslahatchi direktor lavozimida ish boshlaydi.
Italiya futbol federasiyasi esa faxriy darvozabonga ma’muriy lavozimni berishga tayyor.
FIFA prezidenti Janni Infantino esa Janluijiga futbolni rivojlantirish bo‘yicha maslahatchi lavozimini taklif etishni rejalashtirgan.
Shuningdek, Buffon faoliyatiniAQSHning MLS ligasi klublarining birida davom ettirishi mumkin. Tajribali darvozabonning xizmatlariga hozirda “Nyu-York Siti” klubi qiziqish bildirmoqda.
