Туриннинг “Ювентус” клуби дарвозабони Жанлуижи Буффон катта эҳтимол билан 2017/18 мавсумда фаолиятини якунлайди. Бу ҳақда Tuttosport нашри хабар бермоқда.
Манбанинг маълум қилишича, 39 ёшли посбон кейинги фаолиятини “Ювентус”, Италия футбол федерацияси ёки ФИФА каби ташкилотларнинг бирида давом эттириши мумкин.
Агар Буффон “Ювентус” структурасида қоладиган бўлса, унда маслаҳатчи директор лавозимида иш бошлайди.
Италия футбол федерацияси эса фахрий дарвозабонга маъмурий лавозимни беришга тайёр.
ФИФА президенти Жанни Инфантино эса Жанлуижига футболни ривожлантириш бўйича маслаҳатчи лавозимини таклиф этишни режалаштирган.
Шунингдек, Буффон фаолиятиниАҚШнинг MLS лигаси клубларининг бирида давом эттириши мумкин. Тажрибали дарвозабоннинг хизматларига ҳозирда “Нью-Йорк Сити” клуби қизиқиш билдирмоқда.
