«Barselona» bosh murabbiyi Ernesto Valverde Ispaniya chempionatining 4-turi doirasida bo‘lib o‘tgan «Xetafe»ga qarshi o‘yin (2:1) borasida o‘z fikrlarini bildirib o‘tdi.
«Raqib bizga muammolar yaratdi, lekin qo‘lga kiritilgan irodali g‘alaba qiyin vaziyatlardan chiqib ketishimiz mumkinligiga ishonchimizni mustahkamladi. Urilgan gollar Paulinyo va Denis Suaresning o‘ziga bo‘lgan ishonchini oshiradi. Bundan tashqari, bugungi o‘yin zaxira o‘rindig‘imiz uzun ekanini ko‘rsatib berdi. Qiyin vaziyatlarda yordam berishga qodir bo‘lgan futbolchilar tarkibimizda bor.
Bugun tez harakat qila olmaganimiz bois muammolarga duch keldik. Maydon chimining sifati ham tezkor o‘yin ko‘rsatishga xalal berdi. To‘p maydon bo‘ylab yomon harakatlandi», – dedi Valverde.