«Барселона» бош мураббийи Эрнесто Вальверде Испания чемпионатининг 4-тури доирасида бўлиб ўтган «Хетафе»га қарши ўйин (2:1) борасида ўз фикрларини билдириб ўтди.

«Рақиб бизга муаммолар яратди, лекин қўлга киритилган иродали ғалаба қийин вазиятлардан чиқиб кетишимиз мумкинлигига ишончимизни мустаҳкамлади. Урилган голлар Паулиньо ва Денис Суареснинг ўзига бўлган ишончини оширади. Бундан ташқари, бугунги ўйин захира ўриндиғимиз узун эканини кўрсатиб берди. Қийин вазиятларда ёрдам беришга қодир бўлган футболчилар таркибимизда бор.

Бугун тез ҳаракат қила олмаганимиз боис муаммоларга дуч келдик. Майдон чимининг сифати ҳам тезкор ўйин кўрсатишга халал берди. Тўп майдон бўйлаб ёмон ҳаракатланди», – деди Вальверде.