Germaniya futboli qo‘lga kiritayotgan yutuqlarga butun dunyo havas bilan qaraydi. Shu jumladan biz ham...
O‘zbek futbolida Manuel Noyer, Tomas Myuller, Mesut O‘zil va Marko Roys kabi iqtidorlar yetishib chiqishini barchamiz istaymiz. Germaniya futbolining yutug‘i shundaki, bu o‘lkada bolalar futboli to‘g‘ri yo‘lga qo‘yilgan. Yaqinda ish boshlaydigan JFL in Tashkent maktabi aynan nemis futboli andozalari ostida ish yuritadi. Bu qanday bo‘ladi.
Futbol maktabida asosiy e’tibor mashg‘ulotlar bilan birga bolalarning maktab darslarini o‘zlashtirib borishiga ham qaratiladi. JFL in Tashkent'da futbol mashg‘ulotlari haftasiga uch marta o‘tkazilsa, yana ikki kun suzish va ingliz tili darslariga ajratiladi. Maktab ixtiyoriga kelgan bolalar eng avvalo malakali metodistlar qo‘l ostida maktab darslarini bajaradi va shundan so‘ng futbol, suzish yoki ingliz tili mashg‘ulotlariga kirishiladi.
Bolalar ingliz tili darslarini o‘zlashtirishda futbol muhitidan chiqib ketmasliklari uchun mana bunday sharoitlar yaratilgan. Dars davomida turli innovasion texnologiyalardan foydalaniladi. JFL in Tashkent uchun O‘quvchilar maktab darslari va ingliz tilini o‘zlashtirishi futbol mashg‘ulotidan kam ahamiyat kasb etmaydi.
Futbol mashg‘ulotlari ob-havo va boshqa sharoitlardan kelib chiqib sun’iy yoki tabiiy maydonda o‘tkazilishi mumkin. Murabbiylar to‘liq nemis maktabi uslubida mashg‘ulot o‘taydi va har bir bola bo‘yicha alohida hisobot tayyorlab boradi. Ushbu hisobot bilan ota-onalar JFL in Tashkent saytidagi personal kabinet orqali tanishib borishlari mumkin.
Maktab faoliyati to‘liq yo‘lga qo‘yilgandan so‘ng JFL in Tashkent jamoasi Toshkent shahar birinchiligida ishtirok etishi ko‘zda tutilgan. Jamoa bahslari ushbu stadionda o‘tkaziladi va ota-onalar farzandlari o‘yinini kuzatib borishlari mumkin.
JFL in Tashkent maktabining ochilish marosimi 2 oktyabrda bo‘lib o‘tishi ko‘zda tutilgan. Dastlabki ramziy mashg‘ulotni esa o‘zbek futboli afsonasi Mirjalol Qosimov o‘tkazishi rejalashtirilgan. Guruhlar takomillishtirib olingandan so‘ng Germaniyadan murabbiylar tashrif buyuradi va JFL in Tashkent'da amaliyot o‘taydi.
Ayni vaqtda guruhlarga qabul davom etmoqda. Murojaat uchun telefon: +99890 9999890, +99895 1959890
