"Olmaliq" - "Obod" (1:0) o‘yinidan keyin mezbonlar ustozi Viktor Kumikov o‘yin borasida o‘z fikrini aytib o‘tdi.

"Bugun ancha qiyin o‘yin bo‘ldi. Raqib jamoa so‘nggi pog‘onada bo‘lsada, bugun yetarlicha qarshilik ko‘rsatdi. Sababi ularni yo‘qotadigan narsasi yo‘q, maydonda bosimsiz erkin harakat qilishdi. Bizga esa g‘alaba zarur edi. Birinchi taymda ko‘plab vaziyatlardan foydalana olmadik. Shukrki, so‘nggi daqiqalarda bo‘lsa gol urib muhim ochkolarni o‘z hisobimizga qo‘shib qo‘ydik.   Jamoa ayni damda quyi pog‘onalarga tushib qoldi. Birinchi davra yakunida natijalar yaxshi edi. - Avvalo biz bitta o‘yin kam o‘tkazganmiz. Shuningdek, safarda "Bunyodkor" va "Nasaf"ga imkoniyatni boy berdik. Bu jamoalardan safarda ochko olish boshqa jamoalarga ham oson bo‘lmaydi. Sentyabr oyida yana uchta o‘yin o‘tkazamiz. Mana shu bahslarda ko‘proq ochko jamg‘aradigan bo‘lsak, yana yuqori o‘rinlarga ko‘tarilishimiz mumkin.   Jamoa oldiga qo‘yilgan vazifa o‘zgarmaganmi? - Yo‘q, hozircha hech narsa o‘zgarmagan. Biz reja asosida o‘z o‘yinlarimizni o‘tkazyapmiz. Mavsumni maqsadga erishgan holda yakunlashdan umidvormiz" - dedi Kumikov.