Ispaniyaning La Liga rahbariyati «Selta» klubini jazolashga qaror qildi.
Gap shundaki, musobaqani o‘tkazish qoidasiga binoan, telekamera oldidagi markaziy tribuna kamida 70% muxlislar bilan to‘lgan bo‘lishi kerak. Ammo «Selta» klubining «Real Sosyedad» va «Alaves»ga qarshi o‘yinlari juda kam tomoshabin to‘plagan.
Natijada, La Liga rahbariyati tomoshabinlarning kamligi tufayli, "Selta"ni jarimaga tortishga qaror qilgan.
Endi klub tomoshabinlarni jalb qilish uchun bir necha tadbirlarni amalga oshirishni rejalashtirmoqda. Ulardan biri - chipta narxlarini 40 yevroga tushirishdir.
Eslatib o‘tamiz, o‘zbek futbolida Toshkent shahri sharafini himoya qiluvchi "Paxtakor", "Lokomotiv", "Obod", "Bunyodkor" va boshqa klublar tomoshabinlar tashrifining juda pastligidan doimo ozor chekib keladi.