"Barselona" yarimhimoyachisi Usmon Dembeleni operasiya qilgan shifokorlardan biri Lasse Lempainen uning sog‘lig‘i haqida axborot berdi.

"Dembelening tizza osti paylari uzilib ketgan. Bu juda xavfli jarohat, chunki yaxshilab davolanmasa, u qaytarilishi mumkin.

Operasiya yaxshi o‘tdi, Usmon ham o‘zini yaxshi his qilmoqda. U tez orada tiklanish jarayonini boshlaydi.

Dembele yil oxirida safga qaytadi. Taxminimizga ko‘ra, u o‘sha paytga kelib, o‘zining jismoniy holatini yana tiklab oladi" - dedi Lempainen Mundo Deportivo xabarida.