Turkmaniston poytaxti Ashxobodda o‘tayotgan Yopiq inshootlarda va jang san’atlari bo‘yicha V Osiyo o‘yinlari davom etmoqda.
 
O‘zbekiston Milliy Olimpiya qo‘mitasining xabariga ko‘ra, bugun, 20 sentyabr kuni milliy kurash bo‘yicha gilamga chiqqan Rahimaxon Yo‘ldosheva final jangida turkmanistonlik raqibi Shirin Kubayevani 10:0 hisobida mag‘lub etib, oltin medalga ega chiqdi.
 
-70 kg vazn toifasida belbog‘li kurash bo‘yicha finalda ishtirok etgan Husniddin Ro‘ziyev turkmanistonlik raqibi Hangeldi Allakovni 8:1 hisobida mag‘lub etib oltinga ega chiqdi.
 
Yana bir - 90 kg vazn toifasida ishtirok etgan Obidali Mavlonov finalda Turkmaniston vakili Ovazgeldi Berdiyevni 7:1 hisobida mag‘lub  etib, O‘zbekiston delegasiyasi hisobiga oltinchi oltin medalni qo‘shib kuydi.
 
Og‘ir atletika sport turida ishtirok etgan Doston Yoqubov kumush medal bilan taqdirlandi.
 
O‘zbekiston delegasiyasi hisobida ayni vaqtda 6 ta oltin 16 ta kumush va 34 ta bronza medallari mavjud. Delegasiya umumjamoa hisobida tnchi o‘ringa chiqib oldi.
 
Musobaqa mezboni Turkmanistonning oltin medallari soni 53 taga yetdi.
 
Eron delegasiyasida 10 ta, Qozog‘iston hisobida esa 7 ta oltin medal bor. Xitoy delegasiyasi O‘zbekiston kabi oltita oltin medalga erishdi.
 
BAA, Tailand va Hindiston delegasiyalari O‘zbekiston delegasiyasi kabi 5 tadan oltin medalga ega chiqishgan. 
 

 
Vyetnamlik sportchilar 4 ta oltinni qo‘lga kiritishgan bo‘lsa, Mo‘g‘uliston hamda Janubiy Koreya delegasiyalari 3 tadan oltin medallarga ega chiqishdi.