Football Leaks sayti futbol olamidagi yopiqligicha qolib ketgan ma’lumotlarni taqdim etib boradi.

Sayt tomonidan Germaniyaning "Der Spiegel" nashriga asoslanib, "Liverpul" a’zosi Filippe Koutinyoga "Barselona" tomonidan taklif etilgan shartnoma bandlari ma’lum qilindi.

20 varoqli kelishuvga ko‘ra, braziliyalik futbolchi 5 yilda 115 million yevro maosh ishlab olishi mumkin bo‘lgan. Shuningdek, o‘rtadagi agentga 10 million yevro va’da qilingan. Transfer narxi esa 100 million yevrodan kami bo‘lmas edi.

Biroq "Liverpul" rahbariyati ma’lum sabablarga ko‘ra transferga rozilik bermadi. Koutinyo esa Angliyada qoldi.