Football Leaks сайти футбол оламидаги ёпиқлигича қолиб кетган маълумотларни тақдим этиб боради.
Сайт томонидан Германиянинг "Der Spiegel" нашрига асосланиб, "Ливерпуль" аъзоси Филиппе Коутиньога "Барселона" томонидан таклиф этилган шартнома бандлари маълум қилинди.
20 вароқли келишувга кўра, бразилиялик футболчи 5 йилда 115 миллион евро маош ишлаб олиши мумкин бўлган. Шунингдек, ўртадаги агентга 10 миллион евро ваъда қилинган. Трансфер нархи эса 100 миллион евродан ками бўлмас эди.
Бироқ "Ливерпуль" раҳбарияти маълум сабабларга кўра трансферга розилик бермади. Коутиньо эса Англияда қолди.
