FIFA 2017 yilda eng yaxshi muxlislar sovrini uchun da’vogarlarni e’lon qildi.
Birinchi da’vogar Shotlandiyaning "Seltik" klubi muxlislari bo‘lib, ular Yevropa chempionlari kubogidagi g‘alabaga 50 yil to‘lishi munosabati bilan tayyorlagan ajoyib performans uchun e’tiborga sazovor bo‘lishdi.
Ikkinchi nomzod Dortmundning "Borussiya" klubi muxlislari, ular terakt tufayli "Monako"ga qarshi o‘yin bir kunga surilgach, fransiyalik muxlislarga o‘z uyidan boshpana bergan.
Uchinchi nomzod "Kopengagen" muxlislari bo‘lib, ular kubokda g‘olib chiqqanida, imkoniyati cheklangan muxlisni o‘rtaga olib, unga sovrinni topshirishgan.
G‘olib nomi 23 oktyabr kuni Londonda e’lon qilinadi.
