Angliya Premyer-ligasining 6-turidan o‘rin olgan dastlabki uchrashuvda «Vest Hem» o‘z uyida «Tottenhem»ni qabul qildi.
Harri Keynning dubli va Kristian Eriksenning gollari evaziga mehmonlar yirik hisobda oldinga chiqib olgandi. Biroq ikkinchi bo‘limda «Vest Hem» o‘ziga keldi. Avvaliga Xavyer Ernandes hisobni qisqartirdi. 70-daqiqada «shporlar» himoyachisi Serj Orye qizil kartochka olib maydonni tark etdi. 87-daqiqada esa Sheyk Kuyyate farqni yana bittaga qisqartirdi, ammo buyog‘iga mezbonlarning kuchi yetmadi.
Natijada «Tottenhem» premyer-liga tarixida ilk marta mavsumni ketma-ket uchta mehmondagi g‘alaba bilan boshladi.
Ushbu g‘alabadan keyin «Tottenhem» (11 ochko) APL turnir jadvalida uchinchi o‘ringa ko‘tarildi, «Vest Hem» esa (4 ochko) 17-pog‘onada bormoqda.
Angliya premyer-ligasi, 6-tur
Vest Hem – Tottenhem 2:3 (0:2)
Gollar: Ernandes (65), Kuyate (87) – Keyn (34, 38), Eriksen (60).
Vest Hem: Hart, Fonte (Masuaku, 74), Rid, Ogbonna, Sabaleta, Nobl, Kuyate, Kressuell, Antonio (Kerroll, 28), Ernandes, Arnautovich (Ayyu, 66).
Tottenhem: Lyoris, Alderveyreld, Sanches, Vertongen, OrYE, Sissoko (Trippyer, 78), Dayer, Devis, Eriksen (Uinks, 73), Alli, Keyn (Lyorente, 89).
Ogohlantirishlar: Orye (64), Ernandes (81), Kerroll (90), Rid (90), Dayer (90), Lyorente (90), Ayyu (90).
Chetlatish: Orye (70).
