Angliya terma jamoasi va “Manchester Yunayted” klubi hujumchisi Ueyn Runi har tomonlama iqtidorli futbolchi hisoblanadi. Biroq ba’zida u o‘zining o‘ta be’mani qiliqlari bilan ham “iqtidorli” ekanligini ko‘rsatib qo‘yadi. Biz “Shrek” laqabli futbolchining eng be’mani 5 ta qilig‘i haqida to‘xtalib o‘tishni joiz deb topdik.

1. Hakamni “olqishlash” 
2008 yilning sentyabrida Chempionlar ligasi doirasidagi “Vilyareal”ga qarshi o‘yinda Runi Alvaresga nisbatan ishlatgan qo‘polligi uchun qizil kartochka bilan “siylandi”. Bunga javoban hujumchi daniyalik hakam Milton Nilsen qaroridan norozi ekanligini bildirish uchun kuchli “karsaklar” bilan uni olqishladi. Oqibatda ikkinchi sariqini olib maydondan “xaydaldi”.

2. Kamera qarshisidagi haqorat
2011 yilning aprelida “Vest Xem”ga qarshi kechgan o‘yinda “xet-trik” Runini shu qadar to‘lqinlantirib yubordiki, u o‘z ehtiroslarini maydon chetidagi kamera bilan o‘rtoqlashgisi keldi. Bunday odat ko‘pchilik futbolchilarga tegishli. Biroq Runi shu kuni haddan ortiq haqoratli so‘zlarni ishlatganligi uchun, Angliya kubogining yarim final o‘yinini o‘tkazib yuborishga majbur bo‘lgan.

3. Bayroqcha bilan olishuv
2009 yilning martida “Kreyven Kottej”da bo‘lib o‘tgan safar uchrashuvida Runi zaxiradan maydonga tushadi. O‘yinning 81-daqiqasida Ueyn Dakurga nisbatan qo‘pollik ishlatib, sariq kartochka “ishlab” oladi. Oradan 6 daqiqa o‘tgach esa futbolchi hakamning qaroridan norozi ekanligini bildirish uchun to‘pni maydonga otib yuborish orqali ko‘rsatishga majbur bo‘ladi. Oqibatda hakam unga ikkinchi sariqni ham ko‘rsatdi. Runi avvaliga maydonni tark etishdan bosh tortdi, so‘ngra esa bor alamini maydon chetidagi bayroqchadan oldi. Natijada uni 3 o‘yinga diskvalifikasiya qilishdi. “MYU” o‘sha kuni 0:2 hisobida imkoniyatni boy bergandi.

Davomi>>>