“Jirona” himoyachisi Pablo Maffeo “Barselona”ga qarshi uchrashuv (0:3) dan so‘ng Messining savollariga javob bergani haqida aytib o‘tdi.

Eslatib o‘tamiz, Maffeo uchrashuvda faqat Messi ortidan ta’qibda bo‘ldi va natijada argentinalik hujumchi “Jirona” darvozasiga gol ura olmadi.

 “Messi – mendan yoshim va “Siti”dan ijaraga kelganim haqida so‘radi. Unga hammasini batafsil aytib berdim.

O‘yin oldidan murabbiy menga Messini qattiq qo‘riqlashim haqida topshiriq bergandi. Faqat uning yonida bo‘lishim va to‘pga emas Messiga o‘ynashim kerakligini bildim.

To‘g‘ri, Leodek futbolchini qo‘riqlash ham aqliy ham jismonan tomondan qiyin. Lekin o‘ylaymanki men o‘z vazifamni yaxshi ijro etdim. Murabbiyning bildirgan ishonchi uchun unga minnatdorchilik bildiraman”, — deydi Maffeo.

Ma’lumot uchun, 20 yoshli ispaniyalik futbolchining transfer huquqi “Manchester Siti”ga tegishli bo‘lib, “Jirona”da ijara futbolchisi sifatida faoliyat olib bormoqda .

“Jirona” esa “Manchester Siti” klubi rahbarlariga tegishli bo‘lib, jamoa City Football Group kompaniyasiga tegishli.