«Barselona» va Urugvay terma jamoasi hujumchisi Luis Suares tvitter sahifasida futboldagi zo‘ravonlikka qarshi ekanini yozdi.
Bir necha kun oldin Urugvayda, futbol o‘yini payti hakamlar, shu jumladan ayol hakam muxlislar tomonidan hujumga uchragan edi. Shundan so‘ng, hakamlar yoppasiga ish tashlagan, chempionat o‘yinlari esa to‘xtab qolgandi.
«Futbolda zo‘ravonlikka yo‘l yo‘q. Keling, hayotda ham, futbolda ham zo‘ravonliksiz yashaylik. Bu ajoyib o‘yindan zavq olaylik. Bir-birimizni hurmat qilaylik" - deb yozdi Suares.
