Yevropa Ligasining 2-turidan o‘rin olgan BATE – “Arsenal” uchrashuvi yakuniga yetdi. Unda mehmonlar 4:2 hisobida g‘alabani qo‘lga kiritishdi. Dastlab, Uolkott 9-daqiqada hisobni ochgan bo‘lsa, oradan biroz vaqt o‘tib dubl muallifiga aylandi.
Hujumkor o‘tgan o‘yinning 25-daqiqasida “Arsenal” uchinchi golni urishga ham muvaffaq bo‘ldi. Oradan yana uch daqiqa o‘tib, Ivanich hisobni qisqartirdi.
Jamoalar birinchi bo‘limni 1:3 hisobida yakunlashdi. Ikkinchi bo‘limning 49-daqiqasida Jiru penaltini to‘g‘ri amalga oshirib, “Arsenal”ning to‘rtinchi golini urishga erishdi. Maydon egalari esa 67-daqiqada Gordeychukning goli evaziga hisobni yana qisqartirib olishdi.
O‘yin so‘nggi daqiqalarga qadar hujumkorona o‘tdi ammo muxlislar oltitadan boshqa gol ko‘rishmadi va shu tariqa “Arsenal” gollar shodasida BATEni mag‘lub etib, ochkolari sonini oltitaga yetkazib oldi.
BATE – «Arsenal» – 2:4 (1:3)
Gollar: Ivanich 28, Gordeychuk 67 - Uolkott 9, Uolkott 22, Xolding 25, Jiru 49 (pen)
BATE: Sherbiskiy, Gayduchik, Polyakov (Volodko 24), Milunovich, Dragun, Rios, Stasevich, Volodko (Baga 85), Ivanich, Rodionov (Signevich 55), Gordeychuk.
«Arsenal»: Ospina, Mustafi, Mertezaker, Xolding, Meytlend-Nayls, Uillok (Nketia 89), Uilshir, El-Nenni, Uolkott, Jiru, Nelson (MakGuan 79).
Ogohlantirishlar: Dragun 48, Milunovich 64, Ivanich 87.
