Bugundan Oliy Ligada 23-tur uchrashuvlariga start beriladi.

Turning ilk o‘yinida Toshkentning ikki klubi o‘zaro bahs olib boradi. Mamlakatimizning amaldagi chempioni hamda musobaqa jadvalining yakka peshqadami – “Lokomotiv” safarda “Obod” mehmoni bo‘ladi.

Qayd etish joizki, mazkur ikki klub shu paytga qadar milliy chempionat doirasida 3 marta o‘zaro to‘qnash kelishgan. O‘yinlardagi katta ustunlik “temiryo‘lchilar” tarafida. Jamoamiz “Obod”ga qarshi o‘tgan bellashuvlarning 2tasida zafar quchgan va bir marta durang o‘ynagan.

Jamoalar ilk marta o‘tgan yili 8 may sanasida to‘qnash kelishgan va “Obod” maydonida o‘tgan bellashuvda vakillarimiz 2ta to‘p farqi bilan zafar quchishgan. Ikkinchi davra doirasida kechgan matchda esa kutilmaganda 1:1 hisobi qayd etilgan.

Joriy mavsumda esa “Lokomotiv” o‘z maydonida “Obod”ni 7:0 hisobida tor-mor etdi.

O‘zaro uchrashuvlardagi to‘plar nisbati – 10:1 “Loko” foydasiga. “Obod” futbolchilari shu paytgacha faqat bir martagina “Lokomotiv” darvozasini ishg‘ol etishning uddasidan chiqishgan xolos.