“Olmaliq” – “Neftchi” (1:2) bahsidan so‘ng mehmonlar ustozi Vadim Abramov o‘z fikrlari bilan o‘rtoqlashdi.

– Haqli g‘alabaga erishdik.  Aytish kerakki, kiritilgan 2 ta goldan tashqari yana ko‘plab vaziyatlarga ega bo‘ldik.

Uchrashuvdagi hisob bellashuvga mos bo‘ldi deb o‘ylayman. Bugun men ko‘proq yosh futbolchilarga imkoniyat berdim.

Raqibning o‘yinini o‘rgandik va shunga monand tayyorgarlik ko‘rdik. O‘yin oldi amalga oshirgan o‘zgarishlarimiz muvaffaqiyatli bo‘ldi.

So‘zim yakunida, farg‘onalik muxlislarni g‘alaba bilan tabriklayman, – dedi Vadim Abramov

“Neftchi” matbuot xizmati