“Nasaf” – “Qizilqum” uchrashuvi nihoyasiga yetgach, o‘yin yakunlariga bag‘ishlangan matbuot anjumanining dastlabki qismida mehmon jamoa ustozi Xamid Aktamov ishtirok etdi va quyidagi fikrlarini bildirdi.
-Bugun himoyada qupol xatolarga yo‘l qo‘ydik. Himoya chizig‘imiz keyingi o‘yinlarda ancha oqsayapti. “Nasaf” jamoasi bugun juda yaxshi o‘yin namoyish etdi. Bugun stadionga tashrif buyurgan muxlislar ham chiroyli o‘yin guvohi bo‘lishdi.
Bugun haqiqiy muxlisbop o‘yin bo‘ldi. Bugun himoyadagi tartibsiz harakatimiz tufayli birinchi daqiqadayoq darvozamizdan to‘p olib chiqishga majbur bo‘ldik. Ikkinchi golda hamda himoyada xatoga yo‘l qo‘ydik. Ammo tan olish kerak, “Nasaf” bugun kuchli o‘yin ko‘rsatdi. Bugungi g‘alaba bilan ularni tabriklayman.
Albatta biz kurashishda davom etamiz, bo‘lajak o‘yinlarda kerakli ochkolarni qo‘lga kiritishga harakat qilamiz.
