Fransiya chempionatining 8-turida “Renn” va “Kan” jamoalari o‘rtasidagi o‘yinda qiziq holat yuzaga keldi.

Burchakdan to‘p yetkazib berilganida Vaxbi Xazri to‘pni raqib darvozasiga yo‘lladi, biroq darvozabon Remi Verkutr to‘pni qaytarib yubordi. To‘p chiziqni umuman kesib o‘tmagandi. Biroq bosh hakam Amauri Delerning qo‘lidagi signal tizimi gol bo‘lganini ko‘rsatdi. Hakam shu zahoti golni qayd etdi, biroq “Kan” futbolchilarning shikoyatlari natijasida vaziyatning takrorini ko‘rishga qaror qildi. Oqibatda gol bo‘lmagani aniqlandi va hakam qarorini o‘zgartirdi.