«Manchester Yunayted» bosh murabbiyi Joze Mourinyo terma jamoa o‘yinlari uchun yuzaga kelgan tanaffusga qarshi ekanini tan oldi.
«Terma jamoa o‘yinlari uchun tanaffusni yoqtirmayman, bu yomon. Avvalroq, shunday holat ro‘y berganida, futbolchilarim qaytib kelganidan 2 kun o‘tgach, chempionat o‘yinida maydonga tushganmiz. Bu menga yoqmayapti, biroq, shikoyatning foydasi yo‘q. Biz uyda o‘tirib, kutishga majburmiz va hech kim jarohat olmasligiga umid qilamiz», — dedi murabbiy Sky Sports xabarida.