Oliy ligadan o‘rin olgan “Navbahor” – “Paxtakor” (2:0) o‘yinidan so‘ng, mehmonlar bosh murabbiyi Shota Arveladze o‘z fikrlari bilan o‘rtoqlashdi.
"O‘ylashimcha yaxshi o‘yin bo‘ldi. Qolaversa uchrashuv muxlislarga ham yoqdi. Kurashlarga boy futbolga guvoh bo‘ldik. Shu o‘rinda bunday maydonda munosib tarzda to‘p surish ancha mushkul. Ammo, o‘yingohdagi muhitga gap bo‘lishi mumkin emas. O‘zbekistondagi faoliyatim davomida bu kabi muxlislarni birinchi bor ko‘rmoqdaman. Namanganlik muxlislar jamoalarini munosib tarzda qo‘llab-quvvatlashdi.
- Legionerlarning o‘yini haqida nima deya olasiz?
Rostin bugun “Paxtakor”dagi eng yaxshi o‘yinlaridan birini o‘tkazdi. Gidi va Tiyegolar bundandan yaxshiroq o‘ynay olishadi. Shuningdek, Marko ham yaxshi o‘ynadi.
- “Paxtakor”ni g‘alabasiga nima yetishmadi deb o‘ylaysiz?
- Buning sababi “Navbahor” jamoasini o‘zi. Raqibni jiddiy tarzda ta’qib qildik. Birinchi bo‘limda o‘yin nazoratini o‘z qo‘limizda saqlab turdik. Lekin, kutilmaganda o‘tkazib yuborilgan gol hammasini o‘zgartirib yubordi. Maydonni holati o‘zimizni o‘yinimizni namoyish etishimizga to‘sqinlik qildi. Ochig‘ini aytish kerak maydonni holati o‘ta yomon darajada edi. Bunday sharoitda o‘ynash ancha qiyin. “Navbahor” futbolchilari bu maydonda mashg‘ulot o‘tkazib, uy uchrashuvlarini shu yerda o‘tkazayotganliklari bois to‘pni qay tarzda yo‘nalish olishini yaxshi bilishadi. Har ikki jamoa ham ijobi natija uchun kurashdi va unda “Navbahor” g‘alaba qozondi" - dedi Arveladze.
