Albatta, bo‘m-bo‘sh “Kamp Nou”da o‘tkazilgan o‘yin yodingizdan chiqmadi hali. “Barselona” ilk bor bo‘m-bo‘sh stadionda o‘yin o‘tkazdi. Meni esa mazkur o‘yinning boshqa jihati e’tiborimni tortdi. Ya’ni o‘sha o‘yinni futbol tv kanalida sharhlagan sharhlovchining sharh davomida o‘zini tutishiyu noprofessionalligi hayron qoldirdi. Ochig‘i, sharhlovchining “Barselona”ga ochiqdan-ochiq muxlislik qilganini ko‘rib, hayron qoldim. To‘g‘ri, shu paytgacha ayrim sharhlovchilarning ba’zi gaplariyu o‘zini tutishidan beixtiyor sezib qolgandirsiz biror klubga ishqiboz ekanligini. Masalan, ko‘pchilik Davron Fayziyevning “Real”ga muxlislik qilishini gapiradi, ammo Davron akaning yoki boshqa sharhlovchining o‘zi sharhlayotgan o‘yinda biror bir klubga yaqqol muxlislik qilganini ko‘rmaganman. Ammo “Barselona” — “Las-Palmas” o‘yinida bu holatning teskarisi kuzatildi.
Sharhlovchi o‘yin davomida “Barselona”ning passiv o‘ynayotganiga rosa