"Lokomotiv" jamoasini oldinda "Nasaf"ga qarshi o‘tadigan kubok doirasidagi o‘yin kutib turibdi.
Ayni damda jamoa ushbu uchrashuvga qizg‘in hozirlik olib bormoqda.
"Temiryo‘lchilar" jamoasi bugun ham "Lokomotiv" stadionida mashg‘ulot o‘tkazishdi. Qiziqarli va rangbarang tarzda kechgan mashg‘ulot jarayonida asosan tezkor hujum tashkil etish va raqib hujumini markazdayoq uzib qo‘yish borasida ish olib borildi.
Qayd etish joizki, Sadriddin Abdullayev va Shuhrat Muhammadiyev allaqachon umumiy guruhda shug‘ullanishmoqda. Oleg Zoteev hamda Kaxi Maxaradze esa hozircha yakka tartibda shifokor Abror Pirriyev nazorati ostida mashg‘ulot o‘tamoqda.