Oliy ligadan o‘rin olgan “Navbahor” – “Paxtakor” (2:0) uchrashuvidan so‘ng, mehmonlar hujumchisi Nemanya Yovanovichdan qisqacha intervyu oldik.
Dastlab bugun bellashuv taassurotlari haqida gapirsangiz?
- Bugun juda intensiv o‘yin bo‘ldi. Ammo biz maydonda jangovor harakter ko‘rsata oldik. “Paxtakor”ga nisbatan yaxshi o‘yin namoyish etdik va haqli ravishda g‘alaba qozondik.
“Navbahor” nimaning evaziga “Paxtakor”ni mag‘lub etdi?
- Bizda avvalambor o‘zimizga bo‘lgan ishonch yuqori edi, maydonga ko‘tarinki ruhda chiqib, g‘alaba qozondik. Shuni aytishim kerakki, O‘zbekistonda mag‘lub etib bo‘lmaydigan jamoaning o‘zi yo‘q. Faqat zafar quchishni chin yurakdan istab, shu sari harakat qilish kerak. Jamoa g‘alabasining bosh omili bu birdamlik deb o‘ylayman, maydonga birgalikda chiqdikmi, demak bir-birimizni qo‘llaymiz. Shu jihat ham asosiy omil bo‘ldi deb ayta olaman.
Sizningcha, bugungi raqiblar mavsumni nechanchi o‘rinda yakunlashadi?
- “Paxtakor” va “Navbahor”ning mavsumni nechanchi o‘rinlarda yakunlashi borasida aniq bir narsa deya olmayman. Sababi, “sherlar” va bizning maqsadimiz boshqa. Ular chempionlik uchun kurashishmoqda, biz esa kuchli beshlik uchun.
