O‘zbekiston Kubogi yarimfinal javob uchrashuvi doirasida bugun bo‘lib o‘tadigan «Dinamo» - «Bunyodkor» o‘yini barchada qiziqish uyg‘otgan.
Buni inobatga olgan «Sport» telekanali final yo‘llanmasini taqdim etuvchi «Dinamo» - «Bunyodkor» uchrashuvni namoyish etish uchun Samarqandga 12 kishilik texnik jamoa va sharhlovchi Abdulla Nurmonovni xizmat safariga jo‘natgan.
«Dinamo» - «Bunyodkor» yarimfinal javob o‘yini «Sport» telekanali orqali bugun soat 22:10da yozib olingan holda efirga uzatiladi.
Tunda yog‘gan yomg‘irdan keyin hozirda ham Samarqandda havo bulutli bo‘lib turibdi. «Dinamo» markaziy o‘yingohida o‘tadigan uchrashuv soat 15:00 da boshlanadigan bo‘lsada, o‘yingoh kassalarida chiptalar sotuvi davom etmoqda.
Eslatib o‘tamiz, Toshkentdagi dastlabki o‘yinda hisob ochilmagandi.
O‘zbekiston Kubogi-2017.
Yarimfinal. Javob uchrashuvi.
6 oktyabr (juma)
«Dinamo» (Samarqand) – «Bunyodkor» (Toshkent)
Bosh hakam: Zokir Qodirov (Navoiy).
Dastlabki uchrashuv – 0:0.
Uchrashuv boshlanish vaqti: 15:00
TV-translyasiya: «Sport TV» (22:10).
