2022 yildagi jahon chempionati Qatardan olib qo‘yilishi mumkin.
Ayni paytda bir qator arab davlatlari shuni talab qilgan holda FIFA tashkilotiga murojaat qilgan. Qatar davlati xalqaro terrorizmni moliyalashtirishda gumonlanmoqda.
Agar JCH-2022 mezbonligi Qatardan olib qo‘yilsa, Angliya uni o‘tkazishga tayyor ekanini ma’lum qildi. Inglizlarning fikriga ko‘ra, ularning stadionlari va infratuzilmasi mundialni o‘tkazish uchun tayyor holatda turibdi.
Eslatib o‘tamiz, Angliya JCH-2018 va JCH-2022 musobaqasini o‘tkazish uchun nomzodini qo‘ygan, biroq yutqazgan edi. Bundan oldin Angliya 1966 yili jahon chempionatini qabul qilgan.
