KONKAKAF mintaqasida bo‘lib o‘tgan Jahon chempionati saralash bosqichi yakuni sensasiya bilan tugadi. Kutilmaganda, AQSH terma jamoasi kelasi yili Rossiyada o‘tadigan Mundial yo‘llanmasini qo‘lga kirita olmadi!

Amerikaliklarni bosqich autsayderi — Trinidad va Tobagoga qarshi o‘yinda durang natija ham qanoatlantirar edi. Ammo JCH yo‘llanmasidan allaqachon mahrum bo‘lib ulgurgan mezbonlar nomdor raqibni mag‘lub etishga muvaffaq bo‘ldi.

Bugun Panama o‘z maydoniga Kosta-Rikani mag‘lub etgan bo‘lsa, Gonduras Meksika ustidan irodali g‘alabaga erishdi. Natijada panamaliklar to‘g‘ridan-to‘g‘ri JCH-2018 yo‘llanmasiga ega bo‘lishdi. Gonduras esa Avstraliya bilan qita’alararo pley-off bahsida ishtirok etadigan bo‘ldi.

JCH-2018 saralash. KONKAKAF, 10-tur
Gonduras – Meksika 3:2 (2:1)
Gollar: 0:1 – 17 Peralta, 1:1 – 34 Elis, 1:2 – 39 Vela, 2:2 – 54, avtogol Ochoa, 3:2 – 60 Kioto.
Gonduras – Eskober, Figeroa, Alvarado, Bekeles, Figeroa, Lopes (Palasios, 88), Mexiya, Klaros (Akosta, 69), Kioto, Elis, Ernandes.
Meksika – Ochoa, Layyun, Arauxo, Alanis (Korona, 67), Ayyala, Galyardo, Dos Santos (Alvares, 46), Errera, Vela (Guardado, 59), Peralta, Ximenes.
Ogohlantirishlar: Dos Santos (42), Alvares (75), Elis (79).

Panama – Kosta-Rika 2:1 (0:1, 2:0)
Gollar: 0:1 – 36 Venegas, 1:1 – 53 Torres, 2:1 – 88 Torres.
Panama – Penedo, Torres, Eskobar, OvalYE, Machado, Gomes (Kuper, 52), Kintero, Barsenas (Texada, 51), Godoy, Torres (Arroyo, 78), Peres.
Kosta-Rika – Pemberton, Matarrita (Gonsales, 75), Gutyerres, Salvatyerra, Kalvo, Uolles, Borxes, Venegas, Gusman (Asofeyfa, 63), Ruis (Urenya, 69), Umanya.
Ogohlantirishlar: Gusman (59), Torres (90), Vargas (90).

Trinidad va Tobago – AQSH 2:1 (2:0, 0:1)
Gollar: 1:0 – 17, avtogol Gonsales, 2:0 – 37 Jons, 2:1 – 47 Pulishich.
Trinidad va Tobago – Fonsett, Gonsales, Sayrus, Djons, Xodj (Vilyarroel, 82), Lyuis, Pol, Garsiya (Djons, 72), Djordj, Uinchester (Sezar, 78), Xaylend.
AQSH – Xovard, Gonsales, Vilyafanya (Akosta, 72), Yedlin, Bezler, Pulishich, Bredli, Nagbe (Feylxaber, 84), Arriola (Dempsi, 46), Altidor, Vud.
Ogohlantirishlar: Xoj (68), Gonsales (90), Jons (90), Bezler (90).