Portugaliya terma jamoasi hujumchisi Krishtianu Ronaldu Yevropa mintaqasi saralash o‘yinlarida barcha golli hujumlarda ishtirok etish bo‘yicha rekord o‘rnatdi.
InStat nashrining xabariga ko‘ra, Ronaldu Portugaliya terma jamoasi tarkibida 32 golli hujumning 24 tasida maydonda bo‘lgan, ayrimlariga o‘z hissasini ham qo‘shgan.
Shuningdek, 32 yoshli hujumchi 15 gol va 3 ta golli uzatma hamda 6 marta golli uzatma oldidan jamoadoshlariga pas bergan.
Bundan tashqari, Ronaldu Yevropa mintaqasidagi saralash o‘yinlarida darvozaga eng ko‘p zarba yo‘llagan yaqqol yetakchi futbolchiga aylandi. Ronaldu har 90 daqiqa davomida darvoza tomon 7,4 ta zarba yo‘llagan. Umumiy zarbalar soni 66 ta.
