Shifokor Sakari Orava «Barselona» yarim himoyachisi Usmon Dembelening tiklanish jarayoni haqida ma’lumot berib o‘tdi.

«Men shifokor Pruna bilan gaplashdim. U Dembeleni nazoratda ushlab turibdi va menga barcha hisobotlarni yuboryapti. Hozir barchasi rejadagidek ketyapti.

Usmon vaziyatga optimistik ruh bilan qaramoqda. Odatda bu yoshdagi futbolchilar shunday bo‘lishadi, ammo biroz ehtiyotkor bo‘lgan yaxshi. Balki, yosh futbolchilarning aybi shunda bo‘lsa kerak. Agar Dembele og‘riq his qilayotganini ertaroq aytganida, muammo chuqurlashib ketmagan bo‘lardi. "Barselona"ga o‘tgani uchun yuzaga kelgan bosim unga o‘z ta’sirini ko‘rsatgan», – dedi Orava.

Dembele 16 sentyabr kuni oyog‘ining son qismidan jarohat olgandi. U Xelsinkida operasiya qilindi. Futbolchi 3,5 oy davomida maydonga tusha olmasligi haqida ma’lumot berib o‘tilgandi.