Angliyaning "Liverpul" jamoasi bosh murabbiyi Yurgen Klopp APLning 8-turi doirasida "Manchester Yunayted"ga qarshi o‘yindan oldingi fikrlarini bildirdi.
"Bilamiz, raqiblar ajoyib jamoa. Biroq barchasiga optimistik qarash kerak. Sabrsizlik bilan o‘yinni kutyapman. Bu uchrashuv dunyo futbolida katta ahamiyatga ega.
Bu biz uchun katta imkon. Odamlarning gapirganlaridan yaxshiroq o‘ynayapmiz. "MYU"ning oldida hech nima qila olmaydigan darajada kuchsiz emasmiz.
"Enfild"da o‘ynaymiz, bu o‘yin Kenni Dalglish nomiga ochilgan tribuna uchun birinchisi bo‘ladi. Biz impulsni ushlab qolishimiz kerak", - deydi Klopp.
