Англиянинг "Ливерпуль" жамоаси бош мураббийи Юрген Клопп АПЛнинг 8-тури доирасида "Манчестер Юнайтед"га қарши ўйиндан олдинги фикрларини билдирди.
"Биламиз, рақиблар ажойиб жамоа. Бироқ барчасига оптимистик қараш керак. Сабрсизлик билан ўйинни кутяпман. Бу учрашув дунё футболида катта аҳамиятга эга.
Бу биз учун катта имкон. Одамларнинг гапирганларидан яхшироқ ўйнаяпмиз. "МЮ"нинг олдида ҳеч нима қила олмайдиган даражада кучсиз эмасмиз.
"Энфильд"да ўйнаймиз, бу ўйин Кенни Далглиш номига очилган трибуна учун биринчиси бўлади. Биз импульсни ушлаб қолишимиз керак", - дейди Клопп.
