Мадриднинг «Реал» клуби машғулотларининг бирида кўнгилсиз ҳодиса юз берди.
Topskills Sports UK хабарига кўра, жамоа фахрийси Даниэль Карвахаль ижро этган қўпол "подкат" натижасида 19 ёшли Виктор Вальдепеньяс жиддий жароҳат олган. Бу воқеа февраль ойида, «қаймоқранглилар» 1:2 ҳисобида имкониятни бой берган Ла Лига доирасидаги «Осасуна»га қарши ўйиндан бироз аввал содир бўлган. Ёш футболчи тахминан бир ойни ўтказиб юборишга мажбур бўлди. Инсайдерлар 34 ёшли сардорнинг ушбу ҳаракатини «жуда ифлос подкат» дея таърифлашмоқда.
Виктор Вальдепеньяс асосий жамоадаги ўзининг биринчи ва ҳозирча ягона ўйинини ўтган йилнинг декабрь ойида ўтказган эди — ўшанда у «Алавес»га қарши баҳсда асосий таркибда майдонга тушган.
