Европа футбол ассоциациялари иттифоқи (УЕФА) Чемпионлар лигаси чорак финали доирасидаги «Барселона» ва Мадриднинг «Атлетико» жамоалари ўртасидаги (0:2) учрашув бош ҳаками Иштван Ковачни мусобақанинг жорий мавсуми охиригача ишдан четлатишга қарор қилди.
Ташкилот мазкур ўйинда руминлик арбитр томонидан бир нечта хатоларга йўл қўйилганини таъкидлади. Бу ҳақда Sport.es хабар берди.
Шу билан бирга, Ковач 2026 йилги жаҳон чемпионатида иш олиб бориши таъкидланган. Ҳакам номи ФИФА рўйхатига киритилган.
Аввалроқ «Барселона» ҳакамлик ва VAR қарори юзасидан УЕФАга шикоят қилганини маълум қилганди. Хусусан, каталонияликлар ўйиннинг 54-дақиқасида рақиб футболчиси жарима майдонида тўпни қўли билан ўйнаган эпизодда пенальти белгиланмаганини қайд этган.













