«Ал-Аҳли» ҳужумкор ярим ҳимоячиси Вандерсон Галено Саудия Арабистони чемпионати ташкилотчиларини ён босишда ва адолатсизликда айблади.
«Совринни ҳозироқ битта одамга топшириб қўя қолишса ҳам бўлади. Улар бизни ҳар қандай йўл билан чемпионлик учун курашдан чиқариб юбормоқчи. Бу — улар интилаётган нарса. Бу жамоамизга нисбатан ҳурматсизликдир», — дейилади футболчининг ижтимоий тармоқларда қолдирган хабарида.
Эслатиб ўтамиз, мамлакат чемпионатининг сўнгги баҳсида «Ал-Аҳли» «Ал-Файҳа» билан 1:1 ҳисобида дуранг ўйнади.
Турнир жадвалида Криштиану Роналду тўп сурадиган «Ан-Наср» клуби пешқадамлик қилмоқда. «Ал-Аҳли» эса биринчи ўриндан уч очко орқада қолмоқда.
