O‘zbekiston chempionatining 24-turi doirasida "Lokomotiv" - "Navbahor" (2:0) jamoalari o‘rtasidagi uchrashuvdan keyin mezbonlar ustozi Andrey Miklyayev quyidagicha fikrlar bildirdi.
"Uchrashuvda juda ko‘p vaziyatlardan foydalana olmadik. Biroq asosiysi g‘alaba qozondik. Marat Bikmayev yana mas’luliyatni o‘z bo‘yniga oldi. Agarda vaziyatlardan foydalana olganimizda, hisob bundanda yirik bo‘lar edi.
"Lokomotiv"dan tashqari kuchli jamoa? "Nasaf"ni tanlayman. So‘nggi o‘yinlarda jamoa juda kuchli o‘yin namoyish etmoqda. Qarshida yaxshi stadion, muxlislar bor. Jamoaning murabbiylar shtabi ham uzoq yillardan beri ishlaydi, futbolchilarning o‘zagi har doim saqlab qolinadi. "Nasaf" ketma ket o‘yinlarda g‘alabalarni qo‘lga kiritmoqda, ular hozirgi kunda eng kuchli jamoa", - deydi murabbiy.
