Londonning “Chelsi” jamoasi bosh murabbiyi Antonio Konte APLning 8-turi doirasida “Kristal Pelas”dan (1:2)  uchralgan mag‘lubiyatdan keyin jamoadagi yo‘qotishlar haqida gapirdi.

“Biz jamoaning eng asosiy futbolchilari Morata va Kanteni yo‘qotganimizdan keyin qiyin holatga tushib qoldik. O‘yin vaqtida Mozes ham jarohat oldi. Biroq uning yaqin orada safga qaytishiga umid qilaman.

Uch-to‘rt futbolchimizni yo‘qotganmiz. Bu esa katta muammo, biroq kurashishdan to‘xtamasligimiz kerak. Bu mavsum biz uchun juda qiyin bo‘ladi.

Jamoalar bizga qarshi 150 foizlik kuch bilan o‘ynashoqda. Asosiy vazifa – futbolchilar bilan qattiq ishlash va maksimal natijaga erishish. Bunday qiyin vaziyatda biz muammolarni bartaraf etishgi o‘ylashimiz kerak.

Kante kabi futbolchini yo‘qotganimizdan keyin maydonning katta qismida imkoniyatni boy berdik. O‘yinda g‘alabalarga erishish uchun balansni ushlab turadigan futbolchi kerak. Bugun bunday qila olmadik.

“Roma”ga qarshi Mozes aniq o‘ynamaydi. Drinkuoter esa hali jarohatidan tiklanmadi. Morataning o‘yinda qatnashish extimoli bor”, - deydi Konte.