Лондоннинг “Челси” жамоаси бош мураббийи Антонио Конте АПЛнинг 8-тури доирасида “Кристал Пэлас”дан (1:2)  учралган мағлубиятдан кейин жамоадаги йўқотишлар ҳақида гапирди.

“Биз жамоанинг энг асосий футболчилари Мората ва Кантени йўқотганимиздан кейин қийин ҳолатга тушиб қолдик. Ўйин вақтида Мозес ҳам жароҳат олди. Бироқ унинг яқин орада сафга қайтишига умид қиламан.

Уч-тўрт футболчимизни йўқотганмиз. Бу эса катта муаммо, бироқ курашишдан тўхтамаслигимиз керак. Бу мавсум биз учун жуда қийин бўлади.

Жамоалар бизга қарши 150 фоизлик куч билан ўйнашоқда. Асосий вазифа – футболчилар билан қаттиқ ишлаш ва максимал натижага эришиш. Бундай қийин вазиятда биз муаммоларни бартараф этишги ўйлашимиз керак.

Канте каби футболчини йўқотганимиздан кейин майдоннинг катта қисмида имкониятни бой бердик. Ўйинда ғалабаларга эришиш учун балансни ушлаб турадиган футболчи керак. Бугун бундай қила олмадик.

“Рома”га қарши Мозес аниқ ўйнамайди. Дринкуотер эса ҳали жароҳатидан тикланмади. Моратанинг ўйинда қатнашиш эхтимоли бор”, - дейди Конте.