Angliyaning "Manchester Yunayted" jamoasi yarim himoyachisi Xuan Mata rahbariyat bilan shartnomani uzaytirish borasida muzokaralarni boshladi.
Uning amaldagi kelishuvi kelasi yilning yozida yakunlanadi. Klubdagilar futbolchi bilan shartnomani bir yilga uzaytirishni o‘ylashmoqda. Mata esa jamoa tarkibida uzoqroq vaqt o‘ynashni istaydi.
"Men Manchesterda juda va juda baxtliman. Bu yerda 4 mavsumdan beri o‘ynayapman, mahalliy insonlarni yoqtirib qoldim. Otam bunday yoqimli shaharda restoran ochib olgan.
Manchesterda qolishni istayman va bundan xursand bo‘laman", - deydi Mata.