Kecha Angliyaning "Manchester Yunayted" jamoasi a’zolari Yevropa chempionlar ligasi doirasida "Benfika"ga qarshi o‘yinni o‘tkazish uchun Lissabonga uchib ketishdi.
Mankunialiklar matbuot xizmati tomonidan berilgan ma’lumotlarga ko‘ra, Lyuk Shou va Markos Roxo kabi futbolchilar ham Portugaliyaga uchib ketishgan. Demak ro‘yxatda quyidagilar keltirilgan: De Xea, Romero, Pereyra; Blind, Lindelyof, Valensiya, Shou, Smolling, Darmian, Tuanzebe, Jons, Roxo, Yang; Lingard, Matich, Mxitaryan, Mata, Errera, Maktomini; Reshford, Lukaku, Marsyal.
Markos Roxo o‘tgan mavsum oxirlarida "MYU" tarkibida jarohat olib, dekabr oyigacha safdan chiqqandi. Hozircha uning mashg‘ulotlarni boshlagani haqida ma’lumotlar paydo bo‘lmagan.
