Jerar Pike «Tvitter»dagi sahifasida qoldirgan navbatdagi so‘zlari bilan yana bir marta Ispaniya termasi sardori Serxio Ramosning jig‘iga tegdi. Soccer.ru shu bahona «Barselona»ning bo‘lajak prezidenti tomonidan aytilgan shov-shuvli gaplarni yig‘ib, uni muxlislar hukmiga havola etdi.
2009 yili «Real» ustidan 6:2 hisobida qozonilgan g‘alabadan so‘ng: «Mazkur o‘yinga qadar «Real» futbolchilar juda ko‘p gapirishdi - go‘yoki, bizni mag‘lubiyatga uchratib bo‘lgandek. Ana endi, ularga bergan zarbamizni muhokama qilaverishsin».
«Real»ning turnir jadvalidagi yetakchiligi haqida: «Ular uzoq vaqt peshqadamlik qilishmaganidan, hozir o‘zim ham uyalib ketyapman. Mayli, xursand bo‘laverishsin, yakunda baribir, sovrin «Barselona»ga tegadi».
Puyol haqida: «Karles - «Barselona» yaralganidan buyon o‘z pozisiyasidagi eng yaxshi himoyachilardan biri. U - temir odam. Ba’zan hazil aralash «Butsalarimizni bir kunda mixga ilamiz», deydi.
Fergyuson haqida: «17 yoshimda Angliyaga moslashishga qiynalganman. Xayriyatki, ser Aleksdek ajoyib insonni uchratdim. U holatimni tushunib, o‘sishimda yordam bergan. Fergyuson - ikkinchi otamdek».
Messi va Ronaldu haqida: «Ushbu mavzu bo‘yicha tortishuvlar shu qadar absurdki, uning yaralishi bilan bog‘liq faktning o‘zi hayratlanarli. Ronaldu - ko‘p jabhada Messidan ortda qolmoqda. Leo - o‘zga sayyoralik, Krishtianu esa - odamlar orasidagi eng yaxshilardan».
Hakamlar va ularning qiziqishi haqida: «Hamisha «Real»ga yon bosadiganlar topiladi. Hakamlik Madrid va uning atrofida kezadi. Buni hamma biladi. Biz faqat noqulay sharoitga qarshi kurashishimiz mumkin. Aynan shu bois bizning g‘alabalar noyoblik kasb etadi».
Krishtianu Ronaldu haqida: «U bilan «Manchester Yunayted»da ko‘p vaqtimni o‘tkazganman va fintlari haqida yetarlicha tasavvurga egaman. Ko‘pchilik Ronalduni takabbur deydi. Ammo men uni quvnoq, do‘stlikni qadrlovchi inson sifatida taniyman. Krishtianu - yaxshi yigit».
«Real» futbolchilari bilan munosabatlari haqida: DAVOMI
