«Chelsi» bosh murabbiyi Antonio Konte YECHLning 3-turi doirasida bo‘lib o‘tgan «Roma»ga qarsh o‘yin (3:3) borasida o‘z fikrlarini bildirib o‘tdi.
«Natija — haqqoniy. Kuchli raqibga qarshi qiyin o‘yin kechdi. Birinchi bo‘limda bizga qiyin bo‘ldi. Yomon o‘ynamadik, ammo bu bizga xos bo‘lgan o‘yin emas edi.
Birinchi bo‘limda 2ta gol urgan bo‘lsak-da to‘pni nazorat qilish borasida muammolarga duch keldik. Taktikaga kiritilgan o‘zgarishlar samara bermadi. Lekin qiyin pallada nimanidir o‘zgartirish va improvizasiya qilish kerak edi. Ikkinchi bo‘limda vaziyat o‘zgardi.
Luiz kichik jarohat oldi, men unga nisbatan tavakkal qilishni istamadim. Shundoq ham tarkibimizda futbolchilar soni cheklangan», – dedi Konte.